Son María Xosé Porteiro, xornalista, escritora e política pertencente ao PSdeG-PSOE. Este Blog naceu para compartir a experiencia de coñecer de perto a Galicia Austral mentres fun Delegada da Xunta en Arxentina e Uruguai entre 2007 e 2009. Agora tamén servirá para difundir os Camiños de Ferro desde a miña dirección do Museo do Ferrocarril de Madrid.
Podes escribirme a mxporteiro@hotmail.com
As mulleres celebran o seu día en Vigo
Clara Campoamor, defensora do dereito ao sufraxio para as mulleres españolas en 1931
A Concellería de Igualdade do Concello de Vigo ofi.muller@vigo.org que leva a concelleira do BNG, Iolanda Veloso, ven de organizar un Pleno específico do Consello Municipal da Muller para conmemorar o próximo 8 de marzo http://xornal.vigo.org/xnnoticia.php?noticia=13249
Será as 11 h. no Salón de Plenos do Concello, nan 1ª planta. Nel intervirán varios colectivos de mulleres de Vigo: Rede de Mulleres Veciñais, Dorna, Mulheres Nacionalistas Galegas, Feministas Independentes Galegas, Mulleres Progresistas, Colectivo Violeta e as secretarías da muller de UGT, CIG e CCOO. Asistirán ao plenario todas as entidades que constitúen o Consello Municipal da Muller.
O Pleno convócase para tratar a Traxectoria das asociacións e colectivos do Consello Municipal da Muller desde a súa creación a finais dos anos 80.
Vigo foi a primeira cidade galega que tivo unha Concellería adicada ás cuestións de xénero. Foi creada en 1987 e daquela chamouse Concellería da Muller. Eu, como concelleira do goberno socialista da época, fun a súa creadora e síntome moi honrada de poder contalo, pero sobre todo, de recoñecer a tódolos partidos políticos que gobernaron Vigo despóis que respetaran e alentaran esta decisión.
Naqueles catro anos de goberno tiven o apoio do meu partido, do goberno municipal e mesmo do resto da Corporación que non foi belixerante contra as nosas iniciativas neste terreo, pero agradezo moi especialmente o esforzo das funcionarias e funcionarios cos que puiden levar adiante un labor novo e non sempre ben comprendido. Gardo un grato recordo da complicidade e axuda que recibín de María José Thomas, Gloria, Mapi e Xulia Mariño, funcionarias; Choni Miura, experta en Malos Tratos da Comunidade de Madrid; do Alcalde Manolo Soto e os concelleiros Carlos Príncipe, Alvaro G. Magariños e María Arán; dos colectivos de mulleres e secretarías dos sindicatos (Merche, Ana, Elena, Carmen, Mariló, Belén…); das compañeiras xornalistas dos medios de comunicación (Rosa, Begonha, Amanda, Avelina, Marisa, Sefi, Julia, Ana…) que funcionaron como un auténtico lobby a prol das mulleres; do goberno tripartito na Xunta que presidía Fernando González Laxe e en particular de Rosa Miguélez que coordenaba a Comisión para os asuntos das Mulleres, precursora do que logo sería o Servizo Galego de Igualdade, e, en fin, de tantas outras persoas que me resulta imposible citar pero que creron naquel proxecto nos primeiros e máis difíciles momentos.
No período comprendido entre 1987 e 1991 fixemos moitas cousas que sementaron o futuro:
- Creouse o primeiro Consello Municipal da Muller integrado por colectivos e asociacións representativas da preocupación pola situación das mulleres
- Creáronse as vocalías de Muller nas Asociacións Veciñais
- Púxeronse en marcha coa colaboración de Alecrín, o primeiro Centro de Información Municipal dos dereitos das Mulleres, e máis a primeira Casa de Acollida para Mulleres Maltratadas de Galicia que foi tamén unha das primeiras de España,
- Patrocinouse a edición e distribución da revista de pensamento feminista “A festa da palabra silenciada” que dirixe María Xosé Queizán,
- Organizóuse unha exposición de mulleres galegas artistas plásticas comisariada por Cuqui Piñeiro,
- Fixéronse cursos de alfabetización para mulleres maiores e impulsáronse os programas de Kanguros, coas Mulleres Progresistas
- Fíxose un programa de oportunidades de emprego para mulleres novas coa Asociación de Mujeres Jóvenes
- Elaborouse o primeiro estudo sociolóxico sobre a situación das mulleres en Vigo
- Puxéronse as bases para o Primeiro Plano de Igualdade que se aprobaría pola corporación seguinte.
- A Concellería da Mller de Vigo formou parte moi activa na primeira Comisión da Muller constituída no seo da FEMP (Federación Española de Municipios e Provincias) desde a que se elaboraron os primeiros materiais para cursos, xornadas e publicacións especializadas para a política municipal no eido do xénero. Coa FEMP organizaronse en Vigo unhas Xornadas Nacionales sobre Muller e Eudación.
- O goberno municipal tomou a decisión de personarse como acusación en tódalas causas de denuncias por malos tratos a petición das víctimas.
Logo chegarían outras concelleiras que fixeron un excelente labor e convertiron a Vigo nun referente nas políticas municipais de igualdade:
Ana, Maite, Belén, Lucía e Iolanda.
Grazas a todas elas. De corazón.
http://socialismointernacional.org/category/articulos-para-la-liberacion-de-la-mujer
Chúzao
del.icio.us
Tres semanas después del inicio de los ataques de Israel sobre Palestina y a punto de conseguirse una tregua unilateral, según las últimas noticias, os traigo este texto que me han enviado, sobrecogedor por lo que dice y esperanzador por quien lo dice, una mujer israelí, Nurit Peled, cuya hija de 14 años murió en 1997 en un atentado cometido por un kamikaze palestino. Ya en 2005 reclamó ante el Parlamento Europeo el derecho a la existencia de los dos pueblos, denunció la violencia de Estado y recordó el sufrimiento de las madres palestinas.
